عين الرحمة
محلاك ومحلى الصلاة عليك في عيدك
محلاك ومحلى اللي طاعك وقبل ايدك
الله فضلك وحبك وزادك ويزيدك
وانت شفيع من حبك وبغاك ويريدك
يالمين ولد لعروسة الزينة
يالمين بن عبد الله الطاقة الثمينة
يا حبيبنا انت اللي عشقنا وبغينا
يا حبيبنا نورك باهي وشمسك ضوات علينا
ياعين الرحمة برحمتك من مراضنا تشفينا
ياعين الرحمة والخير بيك تهدينا
جزاك الله كل خير عنيتي ووصلتيه لينا
جزاك الله من فضلو شفنا ما يرضينا
ياعين الرحمة يا الهادي الله رأسك علينا
يا عين الرحمة انت شفيعي عليك كنادي
ياعين الرحمة بلا بيك نفقد تقتي وزادي
يا عين الرحمة من حوضك شربني وولادي
يا عين الرحمة كن شفيعي ي الزين الهادي
يا عين الرحمة صل الله عليك يا الورد الشادي
من المغرب
قناتنا مغلوبة على نفسها والريح اللي جات تديها اش غادين نقولو ليها الله يهديها ودير شي تحقيق على المواد الغدائية اللي زادو فيها وتسول الناس على تمارة اللي عايشين فيهاوتقرب شوي وتحرك رجليها الى بغات الشعب يحبها ويبغيها واه ما لقات علاش اتفتش غير على نقاب وفولار امي وجدة بغاوو يحيدوه ليها بسم الله عليكم راحنا مسلمين وامي وجدة تابعة سنة نبيهاوالحمد لله لقيتو مرا كي الجبل حتو حد ما قدر اواطيها لابسة جلابتها ومنقبة وخدامة والله يحفطها لواليديها.
علي مرزوق